«Լայպցիգը» պաշտոնապես հայտարարել է «Մանչեսթեր Սիթիից» Անխելինյոյին գնելու մասին:
Ձախ եզրային պաշտպանը գերմանական ակումբում հանդես էր գալիս վարձավճարով, բայց «Լայպցիգը» ուներ ֆուտբոլիստին գնելու հնարավորություն, որն էլ ակտիվացրեց: Անխելինյոյի համար «Լայպցիգը» վճարելու է 18 միլիոն եվրո՝ այն դեպքում, երբ իսպանացու տրանսֆերային արժեքը գրեթե կրկնակի է՝ 35 միլիոն եվրո:
Անխելինյոն այս տարվա գլխավոր հայտնություններից է: 24-ամյա ֆուտբոլիստն ընթացիկ մրցաշրջանում անցկացրած 29 խաղում 8 գոլի հեղինակ է դարձել ու կատարել 6 գոլային փոխանցում: