«ՌԲ Լայպցիգը» շուտով հայտարարելու է նոր տրանսֆերի մասին: Sky Sports-ի լրագրող Մաքս Բիլեֆելդը վստահեցնում է, որ գերմանական ակումբը ձեռք է բերել «Ստրասբուրի» կենտրոնական պաշտպան Մոհամեդ Սիմականին:
Տրանսֆերը կազմել է 17 միլիոն եվրո՝ ներառյալ հնարավոր պարգևավճարները: Գործարքը պաշտոնապես ձևակերպվելու է առաջիկա օրերի ընթացքում:
Սիմականը դառնալու է Դայո Ուպամեկանոյին փոխարինողը, որն ամռանը 42,5 միլիոն եվրոյի դիմաց տեղափոխվելու է «Բավարիա»:
20-ամյա Սիմականի հաջող խաղը կտրուկ ազդել է նրա տրանսֆերային արժեքի վրա: 2020 թվականի մայիսին այն կազմել է 4,4 միլիոն եվրո, իսկ դեկտեմբերին հասել էր 10,3-ի:
