տուր
01 Հունվար 1970 - 13:02
- «Արսենալի» նախկին դարպասապահ Յենս Լեմանը հիշել է 2004 թվականը, երբ լոնդոնցիներն Անգլիայում անպարտելի մնացին ու դարձան չեմպիոն, բայց Չեմպիոնների լիգայում պարտվեցին 1/4 եզրափակիչում «Չելսիին»՝ իր սխալի պատճառով: Գերմանացին այդ պարտության մեջ 2 գործոն է առանձնացնում՝ խիտ խաղացանկը և Nike Total Aerow գնդակը:
«Չեմ հասկանում նման ծանրաբեռնված խաղացանկի իմաստը: Մինչև հիմա Պրեմիեր լիգայի շատ թիմեր տառապում են դրա պատճառով: Ինչո՞ւ պետք է բոլոր կարևոր խաղերը լինեն մրցաշրջանի վերջում: 10 օրվա ընթացքում խաղացինք ուժեղագույն թիմերի հետ, ու որքան էլ հզոր լինի թիմը, չի կարող այդպիսի բարձր մակարդակի խաղեր անցկացնել 2-3 օրը մեկ:
Հիշում եմ՝ «Չելսիի» դեմ սխալ թույլ տվեցի, որի պատճառը Nike-ի նոր գնդակն էր: Այն այնպես անսպասելի շեղեց իր ուղղությունը, որ չկարողացա որսալ: Իսկ վերջում այնքան ուժասպառ էինք, որ չկարողացանք ոչ-ոքին պահել ու պարտվեցինք», – Լեմանի խոսքերն է փոխանցում beIN Sports-ը:
