«Չելսիի» գլխավոր մարզիչ Ֆրենկ Լեմպարդը խոսել է «Լայպցիգի» հարձակվող Տիմո Վերների՝ լոնդոնյան ակումբ պաշտոնապես հաստատված տեղափոխության մասին:
«Վերներն ակնհայտորեն այն ֆուտբոլիստներից է, որոնք մեզ դուր են գալիս:
Իհարկե, անձամբ հետևել եմ նրան երկար ժամանակ, նույնիսկ նախքան այն, երբ գլխավորեցի այս թիմը: «Չելսին» լրջորեն էր տրամադրված Տիմոյին հրավիրելու հարցում: Ինձ թվում է՝ նա անպայմանորեն կուժեղացնի մեր կազմը:
Վերներն ահռելի տաղանդ ունի, նա ֆանտաստիկ է խաղացել ոչ միայն այս տարի, այլև անցյալում: Մենք տարբեր պատճառներով չկարողացանք աշխատել նախորդ տրանսֆերային շուկայում, սակայն դա մեզ հնարավորություն տվեց ուշադրություն դարձնել երիտասարդ ֆուտբոլիստների վրա: Սակայն մենք լրիվ վստահ էինք նրանում, որ մեզ համալրում է անհրաժեշտ, իսկ Տիմո Վերների հետ պայմանագիր ստորագրելն անխոս կուժեղացնի մեզ: Ես շատ ուրախ եմ, որ նա տեղափոխվեց «Չելսի»․ անհամբերությամբ սպասում ենք նրան»,- Լեմպարդի խոսքերը մեջբերում է Goal․com-ը:
Ինչու Վերները չտեղափոխվեց «Լիվերպուլ» ու ընտրեց «Չելսին». Sky Sports