Անգլիական «Լեսթերի» ղեկավարությունը ծրագրում է հարգանքի տուրք մատուցել ու հավերժացնել ակումբի նախկին նախագահ Վիշի Շրիվադանապրաբհային ակումբի պատմության մեջ:
Ինչպես հաղորդում է ESPN-ի բրիտանական բաժինը, «Լեսթերում» դիտարկում են ակումբի մարզադաշտն անվանափոխել օրերս զոհված նախագահի անունով: Նման տարբերակ դիտարկել են Շրիվադանապրաբհայի որդին՝ Այավաթը, որը միևնույն ժամանակ, ակումբի փոխնախագահն է, և գործադիր տնօրեն Սյուզան Ուիլանը: Ստադիոնն այժմ կոչվում է «Քինգ Փաուեր»:
Հիշեցնենք, որ Վիշի Շրիվադանապրաբհային պատկանող ուղղաթիռը վթարի է ենթարկվել կիրակի օրը՝ խլելով 5 մարդու կյանք: Արդեն կա վթարի տեսանյութը:
