տուր
01 Հունվար 1970 - 21:17
- «Բավարիայի» և Լեհաստանի հավաքականի հարձակվող Ռոբերտ Լևանդովսկին վնասվածքի պատճառով շարքից դուրս է մնացել 4 շաբաթով: Այս մասին հաղորդում է մյունխենյան ակումբի մամուլի ծառայությունը:
Ֆուտբոլիստը փոխարինվել էր 2022թ․ աշխարհի առաջնության որակավորման փուլի 2-րդ տուրում Անդորրայի հավաքականի դեմ կայացած հանդիպման (3-0) 63-րդ րոպեին: Ավելի ուշ հայտնի էր դարձել, որ հարձակվողը ծնկի վնասվածքի պատճառով չի մասնակցի «Մունդիալի» որակավորման փուլում Անգլիայի հավաքականի դեմ կայանալիք մրցավեճին ու կվերադառնա «Բավարիայի» տրամադրության տակ:
Լևանդովսկիի՝ մյունխենյան ակումբում անցած բուժզննումը հայտնաբերել է աջ ծնկի կապանների ձգվածություն: Այդպիսով, լեհ ֆուտբոլիստը չի կարողանա մասնակցել Չեմպիոնների լիգայի գավաթի խաղարկության քառորդ եզրափակիչում ՊՍԺ-ի դեմ 2 հանդիպումներին, որոնք նախատեսված են ապրիլի 7-ին ու 13-ին:
ՊՍԺ-ի նախագահը հավատում է իր թիմի հաջողությանը «Բավարիայի» հետ դիմակայությունում
