«Բավարիայի» հարձակվող Ռոբերտ Լևանդովսկին գոլի հեղինակ է դարձել «Լացիոյի» դեմ Չեմպիոնների լիգայի 1/8 եզրափակիչի հաղթական խաղում (4:1): Լեհն օգտվել է Մատեո Մուսակիոյի անհաջող փոխանցումից, շրջանցել դարպասապահին և գրավել դարպասը:
Gracenote Sports-ը տեղեկացնում է, որ Լևանդովսկին Չեմպիոնների լիգայում իր 72-րդ գոլը խփեց: 32-ամյա ֆուտբոլիստը շրջանցեց Մադրիդի «Ռեալի» լեգենդ Ռաուլին և մրցաշարի ռմբարկուների հաշվարկում բարձրացավ երրորդ տեղ:
Լավագույն ռմբարկուն «Յուվենտուսի» հարձակվող Կրիշտիանու Ռոնալդուն է, որը 134 գոլ է խփել: Նրան հաջորդում է «Բարսելոնայի» առաջատար Լիոնել Մեսին (119):
