Լեհաստանի հավաքականի հարձակվող Ռոբերտ Լևանդովսկին չի մասնացկելու ԱԱ-2022-ի ընտրական փուլի Անգլիայի ընտրանու դեմ մրցավեճին:
Լեհաստանի ֆուտբոլի ֆեդերացիան տեղեկացնում է, որ «Բավարիայի» հարձակվողը ծնկի վնասվածք է ստացել Անդորրայի ընտրանու դեմ երեկ կայացած խաղում (3:0):
Սպասվում է, որ ապաքինման համար 32-ամյա ֆուտբոլիստին կպահանջվի 5-10 օր: Անգլիայի դեմ խաղը կկայանա մարտի 31-ին:
Եթե Լևանդովսկին բաց թողնի 10 օր, ապա նա չի մասնակցի նաև «Բավարիայի» երկու կարևոր խաղերին: Մյունխենցիները ապրիլի 3-ին Բունդեսլիգայում մրցելու են «ՌԲ Լայպցիգի» հետ, իսկ ապրիլի 7-ին՝ Չեմպիոնների լիգայի քառորդ եզրափակիչում ընդունելու են ՊՍԺ-ին:
Անդորրայի դեմ խաղում լեհ ֆուտբոլիստը դարձել է դուբլի հեղինակ:
