Վաղը Բուխարեստում մեկնարկում է շախմատի Grand Chess Tour մրցաշարի առաջին փուլը: 10 մասնակիցների թվում է Լևոն Արոնյանը, որի մրցակիցներն են Ալիռեզա Ֆիրուջան, Ֆաբիանո Կարուանան, Ռիխարդ Ռապորտը, Յան Նեպոմնյաշչնին, Շահրիյար Մամեդյարովը, Ուեսլի Սոն, Լենիեր Դոմինգեսը, Մաքսիմ Վաշիե-Լագրավը և Բոգդան-Դանիել Դյակը:
Մրցաշարի մրցանակային ընդհանուր հիմնադրամը 350 հազար դոլար է, որը կբաշխվի մասնակիցների միջև: Հաղթողը կպարգևատրվի 100 հազար դոլարով:
Grand Chess Tour մրցաշարը բաղկացած է 5 փուլից, որոնց արդյունքներով էլ կորոշվի հաղթողը: Հաջորդ փուլի մրցախաղերը կանցկացվեն մայիսի 17-24-ը Վարշավայում: Դա կլինի արագ և կայծակնային շախմատի մրցաշար:
Հուլիսին մրցաշարի մասնակիցներին կհյուրընկալի Զագրեբը, իսկ ավարտական երկու փուլերը կանցկացվեն օգոստոս-սեպտեմբեր ամիսներին ամերիկյան Սենթ Լուիս քաղաքում:
