Բուխարեստում ընթացող շախմատի Grand Chess Tour մրցաշարում Լևոն Արոնյանը վերջապես առաջին հաղթանակը տոնեց: Հայ գրոսմայստերը 4-րդ տուրում սևերով 64-րդ քայլին պարտության մատնեց Լենիեր Դոմինգեսին:
Տուրը հաղթական էր նաև Մաքսիմ Վաշիե-Լագրավի և Ուեսլի Սոյի համար, որոնք առավելության հասան համապատասխանաբար Ֆաբիանո Կարուանայի ու Յան Նեպոմնյաշչնու նկատմամբ:
Շահրիյար Մամեդյարովն ու Բոգդան-Դանիել Դյակը, Ալիռեզա Ֆիրուջան ու Ռիխարդ Ռապորտը հաշտություն կնքեցին:
4 տուրից հետո 3 միավորով առաջատարը Ուեսլի Սոն է: 2,5-ական միավորով նրան հետապնդում են Լևոն Արոնյանը, Բոգդան-Դանիել Դյակը և Մաքսիմ Վաշիե-Լագրավը:
Վաղը կայանալիք 5-րդ տուրում Լևոն Արոնյանը սպիտակներով կմրցի մրցաշարի միանձնյա առաջատար Ուեսլի Սոյի հետ: