Բուխարեստում ընթացող շախմատի Grand Chess Tour մրցաշարի 2-րդ տուրում էլ Լևոն Արոնյանը ոչ-ոքի խաղաց՝ սևերով 53-րդ քայլին հաշտություն կնքելով Բոգդան-Դանիել Դյակի հետ: Հիշեցնենք, որ մեկնարկային տուրում Լևոնը միավորը կիսել էր Ռիխարդ Ռապորտի հետ մրցախաղում:
Հաշտություն կնքեցին նաև Շահրիյար Մամեդյարովն ու Ռիխարդ Ռապորտը, Ուեսլի Սոն և Մաքսիմ Վաշիե-Լագրավը, Լենիեր Դոմինգեսն ու Ֆաբիանո Կարուանան:
Ինչպես մեկնարկային տուրում, այս անգամ էլ միայն մեկ պարտիա արդյունավետ ելք ունեցավ: Յան Նեպոմնյաշչնին հաղթեց Ալիռեզա Ֆիրուջային:
2 տուրից հետո 1,5-ական միավորով աղյուսակը գլխավորում են Յան Նեպոմնյաշչնին և Ուեսլի Սոն: Արոնյանը մեկ միավորով ընթանում է 5-րդ հորիզոնականում:
Վաղը կայանալիք 3-րդ տուրում Լևոն Արոնյանը սպիտակներով կմրցի Ալիռեզա Ֆիրուջայի հետ:
