Ռոբերտ Լևանդովսկին հերթական անգամ հայտարարել է, որ ցանկանում է լքել «Բավարիան»։
«Պայմանագրով դեռ մեկ տարի ունեմ, սակայն ակումբին խնդրել եմ իրականացնել տրանսֆերը։ Կարծում եմ, որ այս իրավիճակում սա լավագույն լուծումն է, հատկապես, որ «Բավարիան» կարող է գումար վաստակել գործարքից։
Ես ցանկանում եմ շատ հանգիստ երկխոսություն ծավալել, բայց ոչ մամուլի միջոցով։ Հուսով եմ, որ երկրպագուները մի օր ինձ կհասկանան»,- լեհ հարձակվողի խոսքն է մեջբերում Bild-ը։