«Բավարիայի» նախագահ Հերբերտ Հայները խոսել է մյունխենցիների հարձակվող Ռոբերտ Լևանդովսկիի ապագայի մասին:
«Ի՞նչ կարող եմ ասել Ռոբերտ Լևանդովսկիի ապագայի մասին... Նախ՝ նշեմ, որ նրա պայմանագիրը նախատեսված է մինչև 2023 թվականը։ Մենք անընդհատ շեշտում ենք, որ իսկապես գնահատում ենք Ռոբերտին. նա աշխարհի լավագույն խաղացողներից է, և նրան թիմում ունենալը մեզ համար շատ գոլեր է երաշխավորում:
Ակումբի ղեկավարությունը մշտական կապի մեջ է նրա հետ։ Մեզ պետք չէ անընդհատ լրատվամիջոցներին տեղեկացնել բանակցությունների ընթացքի մասին։ Հենց ինչ-որ բան լինի հայտարարելու, մենք դա կանենք»,- Հայների խոսքը մեջբերում է Bild-ը:
33-ամյա Լևանդովսկին Մյունխենի «Բավարիային» միացել է 2014 թվականին: Ընթացիկ մրցաշրջանում լեհ հարձակվողը բոլոր մրցաշարերում անցկացրած 41 խաղում դարձել է 47 գոլի և 4 գոլային փոխանցման հեղինակ: