«Բավարիայի» ռմբարկու Ռոբերտ Լևանդովսկին որոշել է կարիերան շարունակել «Բարսելոնայում»:
Ինչպես հաղորդում Diario Sport-ը, լեհ ֆուտբոլիստն արդեն հայտնել է իր շրջապատին, որ պատրաստ է պայմանագիր կնքել կատալոնական թիմի հետ և ամեն ինչ անելու է գործարքի կայացման համար: Ռոբերտը կարծում է, որ իր կարիերայի մյունխենյան էտապն ավարտվել է:
Նշվում է, որ Կատալոնիայում նույնպես սկսել են աշխատել այս ուղղությամբ, սակայն կոնկրետ քայլեր կձեռնարկեն, եթե Դորտմուդնի «Բորուսիայի» հարձակվող էրլինգ Հալանդի՝ «Բարսելոնա» տեղափոխությունը ձախողվի:
Հիշեցնենք, որ Լևանդովսկիի՝ գերմանական գրանդի հետ գործող պայմանագրի ժամկետն ավարտվում է 2023 թվականի հունիսի 30-ին: «Բավարիան» պատրաստ է բաց թողնել իր աստղին 65 մլն եվրոյի դիմաց, սակայն գումարը կարող է նվազել, եթե գործարքում այլ խաղացողներ ներառվեն (շրջանառվում է Սերժինյո Դեստի անունը):
Ընթացիկ մրցաշրջանում «Բավարիայի» կազմում Լևանդովսկին անցկացրել է 37 հանդիպում, խփել 45 գոլ և կատարել 4 ասիստ: