«Բավարիայի» հարձակվող Ռոբերտ Լևանդովսկին իր հավանական տրանսֆերի հարցով միայն «Բարսելոնայի» ղեկավարության հետ է բանակցություններ վարում՝ հաղորդում է լրագրող և ինսայդեր Ֆաբրիցիո Ռոմանոն։
Ըստ աղբյուրի՝ լեհ հարձակվողը երկու անգամ կապ է հաստատել «կապտանռնագույնների» գլխավոր մարզիչ Չավիի հետ։ Կողմերը քննարկել են մինչև 2025 թվականը պայմանագիր կնքելու հնարավորությունը։
Լևանդովսկին «Բավարիա» է տեղափոխվել «Բորուսիայից» 2014 թվականին։ 33-ամյա ֆուտբոլիստի պայմանագիրը մյունխենյան ակումբի հետ ուժի մեջ է մինչև 2023 թվականը։
Ընթացիկ մրցաշրջանում Լևանդովսկին Բունդեսլիգայում անցկացրած 34 խաղում դարձել է 35 գոլի ու 3 գոլային փոխանցման հեղինակ։