«Վալենսիայի» հարձակվող Ռոդրիգո Մորենոն կարիերան կշարունակի Անգլիայում:
Ինչպես հաղորդում է COPE Valencia-ն, «Լիդս Յունայթեդը» համաձայնության է եկել խաղացողի տեղափոխության շուրջ: Ակումբները սկզբունքային պայմանավորվածության են հասել տրանսֆերի վերաբերյալ: Ռոդրիգոյի իրավունքները Պրեմիեր լիգայի նորեկին կարժենան 30 մլն եվրո, ևս 10 մլն նախատեսված է որպես պարգևավճար՝ կոնկրետ ցուցանիշներ գրանցելու պարագայում:
Ռոդրիգոն 2014/15թթ․ մրցաշրջանից է հանդես գալիս «Վալենսիայում» և նրա կազմում Լա Լիգայում դարձել է 38 գոլի հեղինակ: Ավելի վաղ ելույթ է ունեցել Մադրիդի «Ռեալում», պորտուգալական «Բենֆիկայում», ինչպես նաև անգլիական «Բոլթոնում»: Իսպանիայի ազգային հավաքականում մասնակցել է 22 խաղի և խփել 8 գոլ:
«Լիդսը» 16 տարվա դադարից հետո վերադարձել է Անգլիայի Պրեմիեր լիգա, իսկ թիմի գլխավոր մարզիչը Մարսելո Բիելսան է:
Էդինսոն Կավանին կարող է տեղափոխվել «Ռեալ»