«Լիվերպուլի» գլխավոր մարզիչ Յուրգեն Կլոպը լրջորեն հետաքրքրված է Դորտմունդի «Բորուսիայի» տաղանդավոր կիսապաշտպան Ջուդ Բելինգեմի ծառայություններով՝ հայտնում է Liverpool Echo-ն: Երիտասարդ անգլիացու համար պայքարում մերսիսայդցիները լուրջ մրցակից ունեն՝ ի դեմս Մադրիդի «Ռեալի»:
«Լիվերպուլում» մտավախություն ունեն, որ Օրելյեն Չուամենիի դեպքը կարող է կրկնվել: Անգլիական ակումբը նույնպես հետաքրքրված էր ֆրանսիացի ֆուտբոլիստի ծառայություններով, սակայն տրանսֆերային պայքարում ի վերջո հաղթեց «Ռեալը»:
Ավելի վաղ նշվում էր, որ Բելինգեմը մտադիր է ևս մեկ մրցաշրջան անցկացնել «մեղուների» կազմում: Հավանական գործարքը կարող է կայանալ 2023 թվականին:
2021/22 մրցաշրջանում Դորտմունդի «Բորուսիայի» կազմում 18-ամյա ֆուտբոլիտը մասնակցել է 43 հանդիպման, խփել 6 գոլ ու կատարել 14 ասիստ: