«Լիվերպուլի» երկրպագուներն աջակցություն կհայտնեն «Մանչեսթեր Յունայթեդի» հարձակվող Կրիշտիանու Ռոնալդուին այսօր «Էնֆիլդում» կայանալիք խաղի ժամանակ։ Երկրպագուները պորտուգալացու համար ծափահարությունների րոպե են անցկացնելու՝ տեղեկացնում է բրիտանական Mirror պարբերականը:
Ավելի վաղ Ռոնալդուն սոցցանցերի իր էջերում գրել էր, որ իր նորածին երկվորյակներից տղան մահացել է, իսկ աղջկա հետ, բարեբախտաբար, ամեն ինչ կարգին է:
Այսօր հայտնի դարձավ, որ պորտուգալացին բաց կթողնի Պրեմիեր լիգայի «Լիվերպուլի» դեմ արտագնա հանդիպումը։ «Մանչեսթեր Յունայթեդը» ֆուտբոլիստին հանգիստ է տրամադրել՝ ընտանիքի հետ լինելու համար։
«Լիվերպուլ» - «Մանչեսթեր Յունայթեդ» հանդիպումը կմեկնարկի ժամը 23:00-ին: