«Լիվերպուլն» ու «Բավարիան» մտադիր են ֆուտբոլիստների փոխանակում իրականացնել՝ հաղորդում է Sky Germany-ն:
Ըստ աղբյուրի՝ մյունխենյան գրանդ կարող է տեղափոխվել սենեգալցի ռմբարկու Սադիո Մանեն, իսկ հակառակ ուղղությամբ՝ Սերժ Գնաբրին։ Նշենք, որ երկու խաղացողների՝ իրենց ակումբների հետ գործող պայմանագրի ժամկետն ավարտվում է 2023 թվականի ամռանը:
Ավելի վաղ հաղորդվում էր, որ Մանեի ծառայություններով հետաքրքրված է կատալոնական «Բարսելոնան», իսկ Գնաբրիի ծառայություններով՝ Մադրիդի «Ռեալը»: 30-ամյա Մանեն «Լիվերպուլի» գույները պաշտպանում է 2016 թվականից, նրա տրանսֆերային արժեքը գնահատվում է 80 միլիոն եվրո։ 26-ամյա Գնաբրին «Բավարիայում» է 2017 թվականից: Transfermarkt-ը գերմանացի վինգերի տրանսֆերային արժեքը գնահատում է 70 միլիոն եվրո: