«Լիվերպուլը» ցանկանում է թիմի ղեկին պահել գլխավոր մարզիչ Յուրգեն Կլոպին՝ հայտնում է լրագրող Փոլ Ջոյսը։
Ըստ աղբյուրի՝ մերսիսայդցիները ծրագրում են մոտ ժամանակներում բանակցություններ սկսել 54-ամյա մասնագետի հետ նոր պայմանագրի շուրջ։ Ակումբը ցանկանում է երկարաժամկետ պայմանագիր կնքել գերմանացու հետ։ Կլոպի՝ անգլիական թիմի հետ գործող համաձայնագրի ժամկետը նախատեսված է մինչև 2024 թվականը:
Կլոպը գլխավորել է «Լիվերպուլը» 2015 թվականի հոկտեմբերին՝ ավարտելով իր յոթամյա գործունեությունը Դորտմունդի «Բորուսիայում»: Գերմանացու գլխավորությամբ անգլիական գրանդն անցկացրել է 371 հանդիպում, որոնցից 232-ում հաղթել է։
Կլոպի հետ «Լիվերպուլը» հաղթել է Պրեմիեր լիգայում, Չեմպիոնների լիգայում, Անգլիական լիգայի գավաթում, ՈՒԵՖԱ-ի Սուպերգավաթում և աշխարհի ակումբային առաջնությունում: