Աշխարհի գործող ակումբային չեմպիոն «Լիվերպուլն» այս պահին անկասելի է թվում: Յուրգեն Կլոպի գլխավորած թիմը Պրեմիեր լիգայի ընթացիկ առաջնությունում գերտպավորիչ վիճակագրություն ունի՝ 20 խաղ, 19 հաղթանակ, 1 ոչ-ոքի: Մերսիսայդյան թիմը 58 միավորով վստահորեն գլխավորում է մրցաշարային աղյուսակը:
Բայց «Լիվերպուլի» հրաշալի ելույթները միայն այս մրցաշրջանով չեն սահմանափակվում: «Կարմիրները» Պրեմիեր լիգայի նախորդ առաջնությունում վաստակել էին 97 միավոր, ինչը սովորական պայմաններում բավարար կլիներ չեմպիոնության հասնելու համար, սակայն «Մանչեսթեր Սիթիին» հաջողվել էր 1 միավոր ավելի գրանցել իր ակտիվում:
Հենց նախորդ ու այս մրցաշրջաններում ցուցադրած արդյունքներն են հանգեցրել նրան, որ «Լիվերպուլը» ներքին առաջնությունում անպարտելի է արդեն 37 խաղ անընդմեջ (32 հաղթանակ, 5 ոչ-ոքի): Մերսիսայդյան թիմն ԱՊԼ-ում վերջին անգամ պարտվել է 2019 թվականի հունվարի 3-ին, երբ զիջել է «Մանչեսթեր Սիթիին» (1-2):
Հաշվի առնելով ոչ միայն արդյունքները, այլև այն խաղամակարդակը, որին հասել է Կլոպի գլխավորած թիմը՝ կան ենթադրություններ, որ այս կոլեկտիվը դեռ երկար է մնալու անպարտելի: «Լիվերպուլը» ներկայումս 11-րդ հորիզոնականում է եվրոպական թոփ-5 առաջնությունների պատմության մեջ գրանցված ամենաերկար անպարտելի շարքերի ցուցանիշով: Իսկ թե ինչ տեսք ունի լավագույն տասնյակը, ներկայացնում ենք ձեր ուշադրությանը:
10-9․ «Պերուջա» (Իտալիա)՝ 38 անընդմեջ անպարտելի խաղ
Անպարտելի հանդիպումների շարքը ձգվել է 1978-79 թվականներին
«Պերուջան» 1978/79թթ․ մրցաշրջանում դարձել է Իտալիայի փոխչեմպիոն
Ռեկորդներ, որոնք Մեսին ու Ռոնալդուն կարող են գերազանցել 2020-ին
10-9․ «Ռեալ Սոսյեդադ» (Իսպանիա)՝ 38 անընդմեջ անպարտելի խաղ
Անպարտելի հանդիպումների շարքը ձգվել է 1979-80 թվականներին
«Ռեալ Սոսյեդադը» 1979/80թթ․ մրցաշրջանում դարձել է Իսպանիայի փոխչեմպիոն, իսկ 1980/81թթ․ մրցաշրջանում՝ երկրի չեմպիոն
8-7․ «Ֆիորենտինա» (Իտալիա)՝ 40 անընդմեջ անպարտելի խաղ
Անպարտելի հանդիպումների շարքը ձգվել է 1955-56 թվականներին
«Ֆիորենտինան» 1955/56թթ․ մրցաշրջանում դարձել է Իտալիայի չեմպիոն, իսկ 1956/57թթ․ մրցաշրջանում՝ երկրի փոխչեմպիոն
