Ապրիլի 23-ին «Լոս Անջելես Գելեքսին» MLS-ի շրջանակում տնային հանդիպում կանցկացնի «Նեշվիլի» հետ: Խաղից առաջ տանտերերի նախկին ֆուտբոլիստ Հարութ Կարապետյանը SoccerFest-ի 6-րդ տաղավարում ինքնագրեր կբաժանի երկրպագուներին՝ հայտնում է Լոս Անջելեսի ակումբի մամուլի ծառայությունը:
Ամերիկյան ակումբի մամուլի ծառայության տեղեկացմամբ՝ Հայոց ցեղասպանության 107-րդ տարելիցին ընդառաջ՝ խաղից անմիջապես հետո, Լոս Անջելեսի թիմը կանցկացնի հայկական ժառանգության երեկո։
Հավելենք՝ Հարութ Կարապետյանը MLS-ի պատմության ամենաարագ հեթ-տրիկի հեղինակն է, նախկին հարձակվողը «Լոս Անջելես Գելեքսիի» գույները պաշտպանել է 1996-1998 թվականներին:
