Նիդեռլանդների ազգային հավաքականի ներկայիս և անգլիական «Մանչեսթեր Յունայթեդի» նախկին գլխավոր մարզիչ Լուի վան Գալն «Այաքսի» գլխավոր մարզիչ Էրիկ տեն Հագին խորհուրդ չի տալիս ստանձնել «կարմիր սատանաների» ղեկը՝ առաջարկելով գլխավորել «ֆուտբոլային ակումբ»:
«Մանչեսթեր Յունայթեդը» կոմերցիոն ակումբ է, դժվար ընտրություն մարզչի համար: Ավելի լավ է՝ նա ֆուտբոլային ակումբ գլխավորի»,- Վան Գալի խոսքն է մեջբերում B/R Football-ը:
70-ամյա Վան Գալը «Մանչեսթեր Յունայթեդը» գլխավորել է 2014-16 թվականներին՝ թիմի ղեկին անցկացնելով 103 խաղ:
Հավելենք՝ Էրիկ տեն Հագը «Մանչեսթեր Յունայթեդի» գլխավոր մարզչի պաշտոնում Ռալֆ Ռանգնիկին փոխարինելու ամենահավանական թեկնածուներից է:
