«Պորտուի» ֆուտբոլիստ Լուիս Դիաս Մարուլանդան մոտ է «Լիվերպուլ» տեղափոխությանը՝ հաղորդում է լրագրող և ինսայդեր Ֆաբրիցիո Ռոմանոն։

25-ամյա կոլումբիացին անգլիական ակումբ տեղափոխությունից առաջ բուժզննում է անցնում։ Բուժզննման առաջին փուլը նա արդեն անցել է Արգենտինայում։ Լուիսը մինչև 2027 թվականը գործող պայմանագիր կկնքի մերսիսայդյան ակումբի հետ։

«Լիվերպուլը» տրանսֆերի համար 40 մլն եվրո կվճարի։ Եվս 20 մլն եվրո նախատեսված է որպես հավելավճար։ Տրանսֆերի համար անհրաժեշտ թղթաբանության հարցերը առաջիկայում կլուծվեն։

Այս մրցաշրջանում ձախեզրային կիսապաշտպանը «Պորտուի» կազմում անցկացրած 28 խաղում դարձել է 16 գոլի ու 5 գոլային փոխանցման հեղինակ։