«Պորտուի» հարձակվող Լուիս Դիասը տեղափոխվեց «Լիվերպուլ»՝ հաղորդում է անգլիական ակումբի մամուլի ծառայությունը։ Դիասը «Պորտուի» կազմում հանդես էր գալիս 2019 թվականից։

Ընթացիկ մրցաշրջանում 25-ամյա կոլումբիացի հարձակվողը մասնակցել է Պորտուգալիայի առաջնության 18 խաղի՝ դառնալով 14 գոլի ու 4 գոլային փոխանցման հեղինակ։

2018 թվականից Դիասը հրավիրվում է Կոլումբիայի ազգային հավաքական։ «Լիվերպուլը» Պրեմիեր լիգայի 22 տուրերից հետո վաստակել է 48 միավոր և զբաղեցնում է մրցաշարային աղյուսակի երկրորդ հորիզոնականը։