Իսպանիայի հավաքականի գլխավոր մարզիչ Լուիս Էնրիկեն մեկնաբանել է այն լուրերը, թե ինքը կարող է գլխավորել «Մանչեսթեր Յունայթեդը»:
«Ես Կատարում կլինեմ Իսպանիայի հավաքականի հետ, ինչ կլինի հետո՝ կտեսնենք: Ի՞նչ կասկածներ կարող են լինել։
Քանի՞ անգամ պետք է կրկնեմ՝ հիմա չկա աշխատանք, որն ինձ ավելի շատ հետաքրքրի, քան իմ երկիրը Կատարում կայանալիք աշխարհի առաջնությունում ներկայացնելը»,- Էնրիկեի խոսքն է մեջբերում Goal-ը:
Ավելի վաղ հաղորդվում էր, որ 51-ամյա Էնրիկեն շուտով կարող է երկարաձգել պայմանագիրն Իսպանիայի հավաքականի հետ մինչև 2024 թվականի ամառ։
Դրանից առաջ տարբեր աղբյուրներ գրել էին, որ Էնրիկեն «Մանչեսթեր Յունայթեդի» գլխավոր մարզչի թեկնածուներից է:
