Կատալոնական «Բարսելոնան» պատրաստ է դիտարկել 35-ամյա հարձակվող Լուիս Սուարեսին թիմ վերադարձնելու տարբերակը՝ հայտնում է իսպանական Sport-ը։
Ակումբը կապ է հաստատել Սուարեսի հետ և քննարկել նրա հնարավոր վերադարձը: Միաժամանակ, կատալոնական ակումբն ուրուգվայցու առջև պայման է դրել՝ նա պետք է սպասի մինչև օգոստոս, քանի որ «Բավարիայի» առաջատար Ռոբերտ Լևանդովսկիի տրանսֆերի իրականացումը «Բարսայի» համար առաջնահերթություն է։
Հաղորդվում է, որ լեհ ռմբարկուի գործարքի ձախողման դեպքում միայն «Բարսան» կվերադարձնի Սուարեսին:
Ուրուգվայցին «Բարսելոնայում» խաղացել է 2014-2020 թվականներին, այնուհետև տեղափոխվել է Մադրիդի «Ատլետիկո»։ Ավելի վաղ մադրիդյան թիմը հայտնել էր, որ Սուարեսի հետ ավարտվող պայմանագրի ժամկետը չի երկարաձգվի:
