Եվրոպա, ՈւԵՖԱ Ազգերի Լիգա, Փլեյ-օֆֆ
06 Հոկտեմբեր 2021 - 22:45
Իտալիա
Իսպանիա
0 - 1 - 17`
0 - 2 - 46`
1 - 2 - 82`
Կարմիր Քարտ - 41`
Իսպանիայի հավաքականի գլխավոր մարզիչ Լուիս Էնրիկեն խոսել է Ազգերի լիգայի կիսաեզրափակիչում իտալացիների դեմ այսօր կայանալիք խաղի մասին:
«Այս հանդիպումը շատ դիտարժան էր թվում նաև ԵՎՐՈ 2020-ից առաջ: Մենք շատ ենք ցանկանում հաղթել Ազգերի լիգայում: Որքան էլ տարօրինակ է, կիսաեզրափակիչում պայքարելու ենք Եվրոպայի գործող չեմպիոնի դեմ՝ նրանց մարզադաշտում:
Շատ հետաքրքիր կլինի տեսնել, թե ինչպիսի ֆուտբոլ ենք ցուցադրելու Եվրոպայի չեմպիոնների դեմ այն ստադիոնում, որտեղ երկրպագուների մեծ մասը կաջակցի իտալացիներին: Ավելի լավ մոտիվացիա լինել չի կարող: Անհամբերությամբ եմ սպասում խաղին:
Անկեղծ ասած՝ Իտալիայի հավաքականի խաղաոճը ժամանակակից ֆուտբոլում լավագույններից է: Վստահ եմ՝ հետաքրքիր կլինի տեսնել, թե հավաքականներից յուրաքանչյուրն ինչով է հակազդելու մրցակցի գործողություններին:
Իմ ծրագիրը, ինչպես միշտ, նախաձեռնությունը վերցնելն ու առաջին իսկ րոպեից ամբիցիոզ խաղ ցուցադրելն են: Ցավալի է, որ որոշ ֆուտբոլիստներ չկարողացան մեզ միանալ, բայց մենք հիանալի թիմ ունենք:
Ինձ դուր չի գալիս անհանգստանալ, թե ինչ կարող է տեղի ունենալ: Մենք պետք է պայքարենք՝ մեր սեփական խաղաոճը թելադրելու համար: Հաղթելու միայն մեկ տարբերակ կա՝ սեփական խաղաոճով խաղալը»,- ՈՒԵՖԱ-ի պաշտոնական կայքը մեջբերում է Լուիս Էնրիկեի խոսքը:
Հիշեցնենք՝ Ազգերի լիգայի կիսաեզրափակիչում Իտալիայի հավաքականն ուժերը կչափի Իսպանիայի ընտրանու, Բելգիայի հավաքականը՝ Ֆրանսիայի ընտրանու հետ: