Իսպանիայի հավաքականի գլխավոր մարզիչ Լուիս Էնրիկեն մեկնաբանել է այն տեղեկությունը, թե ԵՎՐՈ 2020-ից հետո կարող է հեռանալ զբաղեցրած պաշտոնից:
«Կատակո՞ւմ եք… Ես մտածում եմ նոր պայմանագիր կնքելու մասին: Սլովակիայի հավաքականի դեմ խաղում մեր 24 ֆուտբոլիստներից յուրաքանչյուրը կարող է հաղթանակ պարգևել: Փոփոխություններ հնարավոր են, բայց հնարավոր է՝ չլինեն:
Մենք լավ ենք պատրաստվել: Ձախողում, այո՛, կարող է լինել, հնարավորություն կա, բայց հուսով եմ՝ չի լինի»,- Marca-ն մեջբերում է Լուիս Էնրիկեի խոսքը:
Հիշեցնենք՝ Իսպանիայի հավաքականը ԵՎՐՈ 2020-ի E խմբում անցկացրած 2 խաղից հետո վաստակել է նույնքան միավոր, որով զբաղեցնում է մրցաշարային աղյուսակի 3-րդ հորիզոնականը: Շվեդներն առաջատարն են 4 միավորով, սլովակները 2-րդն են 3 միավորով: Լեհաստանի հավաքականը 1 միավորով եզրափակում է խմբի մրցաշարային աղյուսակը:
