«Չելսին» պաշտոնապես հաստատեց Ռոմելու Լուկակուի վերադարձը լոնդոնյան ակումբ: Բելգիացի ֆուտբոլիստը խոսել է վերադարձի մասին։
«Ես երջանիկ եմ այս հիանալի ակումբ վերադարձի կապակցությամբ։ Երկար ճանապարհորդություն էր ինձ համար. այստեղ եկա երեխա, որը պետք է սովորեր, իսկ հիմա վերադառնում եմ՝ շատ փորձով ու ավելի հասունացած։
Այն հարաբերությունը, որ ես ունեմ այս ակումբի հետ, ինչպես գիտեք, շատ բան է նշանակում ինձ համար։ «Չելսիին» երկրպագել եմ երեխա ժամանակվանից, և հիմա կփորձեմ ակումբին օգնել ավելի շատ տիտղոսներ նվաճել, ինչը հրաշալի է։
«Չելսին» լքելուց հետո երկար ճանապարհ եմ անցել՝ վերելքներով ու վայրէջքներով լի, բայց դա ինձ միայն ուժեղ է դարձրել ու նպատակս ավելի շատ տիտղոսներ նվաճելուն նպաստելն է։ Անհամբերությամբ եմ սպասում, թե երբ եմ ակումբին օգնելու հասնել ավելի մեծ հաջողությունների»,- ասել է բելգիացին։
Լուկակուն՝ «Չելսիի» ֆուտբոլիստ
