Եվրոպա, ՈւԵՖԱ Եվրոպայի առաջնություն, Եզրափակիչ Փուլ 2 տուր
17 Հունիս 2021 - 20:00
Դանիա
Բելգիա
1 - 0 Յուսուֆ Պոուլսեն - 2`
1 - 1 Տորգան Ազար - 55`
1 - 2 Քևին դե Բրույնե - 70`
ԵՎՐՈ 2020-ի շրջանակում Դանիայի հավաքականի դեմ առաջիկա հանդիպմանը Բելգիայի հավաքականի ֆուտբոլիստների նախաձեռնությամբ հարգանքի տուրք կմատուցվի դանիացիների կիսապաշտպան Քրիստիան Էրիկսենին:
Բելգիայի հավաքականի հարձակվող Ռոմելու Լուկակուի խոսքով՝ Դանիա – Բելգիա հանդիպման 10-րդ րոպեին Բելգիայի հավաքականի ֆուտբոլիստները գնդակը կհանեն խաղադաշտի սահմաններից, որպեսզի մարզադաշտում ներկա անձինք կարողանան ծափահարությունների միջոցով հարգանքի տուրք մատուցել Էրիկսենին:
Հիշեցնենք, որ Քրիստիան Էրիկսենը Ֆինլանդիայի հավաքականի դեմ խաղին կորցրել էր գիտակցությունը խաղադաշտում: Նրան առաջին բուժօգնություն էր ցուցաբերել Դանիայի հավաքականի ավագ Սիմոն Կյերը: Էրիկսենին հոսպիտալացրել էին: Բելգիայի հավաքականի բժշկի խոսքով՝ ֆուտբոլիստը խաղադաշտում սրտի կանգ է ունեցել: Այժմ Էրիկսենի առողջական վիճակը կայուն է: