«Չելսիի» նորեկ Ռոմելու Լուկակուն խոսել է իր և ակումբի լեգենդար հարձակվող Դիդյե Դրոգբայի փոխհարաբերությունների մասին:
«Մեր հարաբերություններն ինձ համար մեծ նշանակություն ունեն: Մենք չենք խոսում միայն ամիսը մեկ անգամ. մենք զրուցում ենք մի քանի օրը մեկ: Մենք անընդհատ կապի մեջ ենք: Վերջին մի քանի շաբաթների ընթացքում մենք շատ ենք զրուցել հեռախոսով:
Ես շատ հարցեր ունեի, իսկ նա շարունակում է մեծ թվով մարդիկ ճանաչել այստեղ: Նա ինձ որոշ մանրամասներ պատմեց: Հիմա ժամանակն է, որ ես ավելի լավ ճանաչեմ թիմակիցներիս ու գլխավոր մարզչին, որից հետո հնարավորին չափ արագ սկսեմ օգնել թիմին»,- «Չելսիի» պաշտոնական կայքը մեջբերում է Լուկակուի խոսքը:
