Լուսանկարչության միջազգային կենտրոնը (ICP) լուսանկարչության և տեսողական մշակույթի առաջատար հաստատությունն է աշխարհում:
ICP-ն կարելի է համարել լուսանկարչության սիրահարները դրախտը: Թանգարանում հնարավոր է գտնել պատմության մաս դարձած լուսանկարիչների գործեր, պատմական լուսանկարներ, ֆոտոգրքեր, մի խոսքով լուսանկարչության հետ կապված այն ամենը, ինչ մտքովդ կանցնի:
Ստեղծման պատմությունը
Թանգարանը հիմնադրվել է 1974 թվականին Քորնել Կապայի՝ հայտնի վավերագրող լուսանկարիչ Ռոբերտ Կապայի եղբոր կողմից։ Թանգարանն ստեղծվել է ի պատիվ եղբոր՝ Ռոբերտի ու նրա գործընկերներ՝ Վերներ Բիշոֆի, Չիմի (Դեյվիդ Սեյմուր) և Դեն Վայների պատվին: Կապան հասկացավ, որ պետք է պահել իրենց վավերագրական-մարդասիրական աշխատանքը ու ներկայացնել հանրությանը: 1966 թ.-ին նա ստեղծում է միջազգային հիմնադրամ, որի թեման կրկին լուսանկարչությունն էր, իսկ արդեն 1974 թվականին հիմնադրամին անհրաժեշտ էր տուն, և այդպես ստեղծվեց լուսանկարչության միջազգային կենտրոնը:
Կենտրոնը տարիների ընթացքում տարբեր փոփոխությունների ենթարկվեց և արդեն 2020 թվականի հունվարին ICP-ն բացեց իր նոր, ինտեգրված կենտրոնը 79 Essex Street հասցեում: Կենտրոնում կան պատկերասրահ, մեդիա լաբորատորիաներ, լսարաններ, լուսանկարչական լաբորատորիաներ, նկարահանման ստուդիաներ, խանութ, սրճարան, հետազոտական գրադարան և հանրային միջոցառումների տարածքներ: Նոր կենտրոնն աչքի է ընկնում ժամանակակից դիզայնով և մինիմալիստական հստակ ոճով:
Կենտրոնն իր մեջ ներառում է նաև դպրոց և հետազոտական կենտրոն, որոնց գործունեությունը միտված է միայն ու միայն լուսանկարչությանը:
Հետազոտական կենտրոնի հիմնական խնդիրը արխիվների, լուսանկարչական հավաքածուների, թվային լուսանկարների ուսումնասիրությունն է։ Այս հետազոտական կենտրոնի նյութերը, ինչպես նաև արված ուսումնասիրությունների արդյունքները հասանելի են լուսանկարիչների, ուսանողների և գիտնականների մասնագիտորեն ուսումնասիրող լուսանկարչությունը:
ICP դպրոց
Կենտրոնի դպրոցը գործում է 2001 թվականից: Այն ամեն տարի ծառայում է ավելի քան 3500 աշակերտի՝ առաջարկելով ատեստավորման և մագիստրատուրայի ծրագրերի ուսումնական դասընթացներ: Մեկ այլ կրթական ծրագիր շրջանակներում էլ իրականացվում է մի շարք դասախոսություններ, սեմինարներ, սիմպոզիումներ և վարպետության դասեր, որոնք անցկացվում են պրոֆեսիոնալ լուսանկարիչների կողմից:
Գրադարան
ICP գրադարանն ամբողջությամբ նվիրված է լուսանկարչությանն ու ընդգրկում է մի հսկայական հավաքածու ֆոտոգրքերի, ամսագրերի և այլ ռեսուրսների, որոնց ընդհանուր թիվը կազմում է 20,000: Թանգարանի կայքում գրված է. «Մենք ձգտում ենք տրամադրել տեղեկատվություն և ոգեշնչել բոլոր նրանց, ովքեր հետաքրքրված են լուսանկարչությամբ և այս միջավայրով»:
Ցավոք, տևական ժամանակ է, ինչ գրադարանը ժամանակավորապես չի գործում՝ պայմանավորված COVID-19-ի համաճարակով:
Թանգարանի հավաքածուն
Հիմնական հավաքածուում ներկայացված են 20-րդ դարի ամերիկյան և եվրոպական վավերագրական լուսանկարները: Թանգարանի բացման և հիմնադիր Քորնել Կապայի հիմնական նպատակը պատմական արմատներն ու պատմության պահպանումն էր:
Հիմնական ցուցադրության անբժան մասն են կազմում այնդիսի լուսանկարիչների գործեր, ինպիսիք են՝ Henri Cartier-Bresson, William Eugene Smith, James Van Der Zee և Lisette Model: Թանգարանը ավանդական ձևերից բացի ներկայանում է նաև այլ ֆորմատներով՝ փորձելով հնարավորինս շատ ուսումնասիրել և ներկայացնել վիզուալ մշակույթը:
Մշտական հավաքածուն ICP պարունակում է ավելի քան 200.000 լուսանկարներ և հարակից այլ նյութեր նվիրված լուսանկարչության հին և ժամանակակից մշակույթին: Հավաքածուն ընդգրկում է լուսանկարչության պատմությունը, այդ թվում՝ դագերոտիպներ, ժելատին արծաթ և թվային քրոմոգեն տպում:
Թանգարանում ներկայացված է ամերիկյան և եվրոպական վավերագրական լուսանկարչության՝ 1930-1990 թվականների ամենամեծ հավաքածուն: Վերջին համալրումները եղել են ժամանակակից լուսանկարիչների աշխատանքներից, ինչպիսիք են Քերրի Մեյի Ուիմսը, Ժյուստին Կուրլանդը, Քեթի Գրաննան, Վիկ Մունիսը և Սյուզան Մեյզելասը:
Հավաքածուի մեկ այլ՝ կարևոր բաղադրիչ է համարվում պատկերազարդ ամսագրերի մեծ տեսականին: Հատկապես Առաջին և Երկրորդ համաշխարհային պատերազմի տարիներին հրատարակված ամսագրերը, ինչպիսիք են Vu-ն, Regards-ը, Picture Post-ը, Lilliput-ը, Berliner Illustrirte Zeitung-ը, Arbeiter-Illustrierte-Zeitung-ը և Life-ը:
Թանգարանի հավաքածուին մանրամասնորեն կարող եք ծանոթանակ ICP-ի կայքում:
Լուսանկարներ Կոռնել Կապայի ICP-ի հավաքածուից՝
Թանգարանի հավաքածուի մեջ իրենց տեղն ունեն կենտրոնի հիմնադիր Կոռնել Կապայի լուսանկարչական աշխատանքները: Կապայի լուսանկարները մարդկանց մասին էին, ուղված էին մարդասիրությանը, որոնց միջոցով լուսանկարչը փորձում էր կրթել աշխարհն ու փոխել այն: Կապան իր երկարատև և նշանակալից կարիերայի ընթացում աշխատել է Life ամսագրում (1946-1967), Magnum Photos գործակալությունում (1954թ.), լուսաբանել է ԱՄՆ-ի, ինչպես նաև Անգլիայի, Խորհրդային Միության, Իսրայելի սոցիալական և քաղաքական խնդիրները:
Ցուցադրության մեջ ներառված են նրա ֆոտոպատմություները՝ Գվատեմալայում Նախագահ Արբենզի բարեփոխումների կառավարության մասին (1953), Խուան Պերոնի բռնապետական ռեժիմի փլուզումը Արգենտինայում (1955), Նիկարագուայի բռնապետ Անաստասիո Սոմոզայի (1956), սպանությունից հետո ձերբակալված քաղաքական այլախոհները, Էկվադորում միսիոներների աշխատանքը (1956-58), բնիկ ցեղերի վիճակը Պերուից հյուսիս-արևելք (1961), նշանակալի ռեպորտաժ Ատտիկայի պայմանների վերաբերյալ (1972) բանտի արյունալի ապստամբությունից հետո, Ռոբերտ Քենեդիի սենատի 1964 թ. և աղքատության ու բնակչության մասին վերլուծություն Սալվադորում և Հոնդուրասում (1970-73):
Այս ցուցահանդեսը ներկայացնում է այս լուսանկարների պատմությունները և հարգանքի տուրք մատուցում Կապային՝ որպես լուսանկարիչ և ICP- ի հիմնադիր տնօրեն:
*Լուսանկարների շարքը տես նյութի վերջում:
Առաջին ցուցահանդեսը
Լուսանկարչության միջազգային կենտրոնի առաջին ցուցահանդեսը եղել է ԽՍՀՄ-ի վերաբերյալ, որտեղ ներկայացված էին Անրի Կարտիե Բրեսոնի ստեղծագործություները: «Apropos Ussr (1954–1973). Henri Cartier-bresson». այսպես է կոչվել ցուցադրությունը:
Ցուցադրության մեջ էր մտնում նաև Բրեսոնի նկարած այս հայտնի լուսանկարը, որն արվել է Սևանա լճում:
Henri Cartier-Bresson / Magnum Photos
Լուսանկարչության միջազգային կենտրոնը հիմնականում ցուցադրում է Միացյալ Նահանգների լուսանկարիչների գործերը, բայց ցուցադրություններում կան նաև լուսանկարիչներ Գերմանիայից, Չինաստանից և այլ տեղերից:
Լուսանկարչության միջազգային կենտրոնում (ICP) նկարիչների միջին տարիքը 63 տարեկանն է:
ICP-ի կենտրոնում տեղեկություններ կգտնեք նաև հայ լուսանկարիչ Յուսուֆ Քարշի և Ուինսթոն Չերչիլին պատկերող լուսանկարի մասին, որն հայտնի է ողջ աշխարհին:
Լուսանկարչության կենտրոնի բացումից ի վեր անցկացվել են 700 և ավել անհատական և խմբակային ցուցահանդեսներ։ Իրենց աշխատանքներն են ներկայացրել ավելի քան 3000 լուսանկարիչներ։ Թանգարանի մշտական հավաքածուն ներառում է 200.000 լուսանկար։ Ինչ խոսք՝ թվերը տպավորիչ են, սակայն թանգարանը, ի տարբեություն Նյու Յորքյան խոշոր թանգարանների՝ տարածքով բավականին համեստ է:
Իսկ եթե մի օր որոշեք այցելել ICP, չմոռանաք՝
Աշխատանքային ժամերն են՝
Երեքշաբթի օրը թանգարանը փակ է:
Չորեքշաբթի՝ 09: 30 – 19: 30
Հինգշաբթի՝ 09: 30 – 20: 30
Ուրբաթ-երկուշաբթի՝ 09: 30 – 19: 30
Հասցե: 79 Essex Street
- 9