Հռոմում ավարտին է մոտեցել ազատ ոճի ըմբշամարտի մինչև 20 տարեկանների Եվրոպայի առաջնությունը:
125 կգ քաշային կարգի եզրափակիչում Լյովա Գևորգյանը 13-2 հաշվով հաղթեց Վրաստանի ներկայացուցիչ Մերաբ Սուլեյմանաշվիլիին և հռչակվեց Եվրոպայի չեմպիոն:
Մինչև այս հայ ըմբիշը քառորդ եզրափակիչում ջախջախել էր լեհ Յակուբ Չերչակին (10-0), իսկ կիսաեզրափակիչում պարտության էր մատնել թուրք Ադիլ Միսիրչիին (5-2):
Նախօրեին Եվրոպայի չեմպիոնի կոչումը նվաճել էին Հայկ Պապիկյանն ու Մուշեղ Մկրտչյանը: