Գերմանիայի հավաքականի գլխավոր մարզիչ Յոահիմ Լյովը մեկնաբանել է «Շալկե-04»-ի դարպասապահ Ալեքսանդր Նյուբելի՝ «Բավարիայի» հետ պայմանագիր կնքելու փաստը: Գերմանացի ֆուտբոլիստը մյունխենյան թիմի շարքերը կհամալրի 2020 թվականի հուլիսի 1-ից:
«Ես կողմ եմ նրան, որ երիտասարդներն ավելի շատ խաղային պրակտիկա ստանան: Այդպիսով, նրանք աճ գրանցելու ավելի շատ հնարավորություններ են ունենում: Եթե 20-21 տարեկան խաղացողը 2 կամ 3 տարի նստում է պահեստայինների նստարանին, ես չգիտեմ՝ դրանում կա՞ որևէ օգուտ»,- Լյովի խոսքերը մեջբերում է Spiegel-ը:
Նյուբելը «Պադերբորնի» մանկապատանեկան դպրոցի սան է: Նա 2015 թվականին է տեղափոխվել «Շալկե-04»: Տրանսֆերի արժեքն այդ ժամանակ կազմել է 600 հազար եվրո: Նյուբելը Բունդեսլիգայի ընթացիկ առաջնությունում մասնակցել է 15 հանդիպման:
Նոյերը չի պատրաստվում զիջել իր տեղը «Բավարիայի» նոր դարպասապահին