Մադրիդի դատարանը Ֆրանսիայի հավաքականի ու «Բավարիայի» ֆուտբոլիստ Լուկաս Էրնանդեսին ազատազրկելու որոշում է կայացրել՝ գրում է AS-ը:
Աղբյուրի պնդմամբ՝ որոշումը պայմանավորված է նրանով, որ ֆուտբոլիստը խախտել է դատարանի՝ ավելի վաղ կայացրած սահմանափակման վճիռի պայմանները: Այժմ Էրնանդեսն ստիպված է հոկտեմբերի 19-ին ներկայանալ ու ընտրել այն վայրը, որտեղ կկրի պատիժը:
Էրնանդեսի փաստաբաններն անմիջապես բողոք են ներկայացրել վերաքննիչ դատարան: Եթե բողոքը չբավարարվի, Էրնանդեսը կազատազրկվի մինչև մեկ տարի ժամկետով:
2017 թվականին ֆուտբոլիստին մեղադրանք էր առաջադրվել ընկերուհու նկատմամբ բռնության համար: Դատարանը որոշել էր զույգի նկատմամբ միմյանց մոտենալու արգելք սահմանել, որից հետո նրանք համատեղ արձակուրդ են անցկացրել:
AS-ը նաև պնդում է, որ մյունխենյան ակումբը միայն վերջերս է իմացել դատական գործընթացի մասին, սակայն Էրնանդեսը ծանուցումներն ստացել է ժամանակին: