Չեմպիոնների լիգայի 1/4 եզրափակչի «Ատլետիկո Մադրիդ»-«Լեսթեր» խաղի նախօրեին Մադրիդի ոստիկանությունը ձերբակալել է անգլիական ակումբի 8 երկրպագուների: Ավելի վաղ հայտնի էր դարձել , որ ոստիկանությունը հարձակվել է «Լեսթերի»՝ քաղաքով շրջող երկրպագուների վրա և ծեծի ենթարկել նրանց:
Ինչպես հաղորդում է BBC-ն, անգլիացիների՝ 70 հոգուց բաղկացած մի խումբ հարբել է տեղի գինետներից մեկում և անկարգություններ արել, ինչից հետո ոստիկանությունը փորձել է ցրել նրանց: Երկրպագուները սկսել են ապակե շշեր նետել ոստիկանների ուղղությամբ, ինչի հետևանքով 5 մարդ վիրավորվել է, իսկ 8-ը ՝ ձերբակալվել: