«Մանչեսթեր Յունայթեդը» առաջարկ է նախապատրաստում «Լեսթերի» պաշտպան Հարի Մագուայերի համար։
«Կարմիր սատանաները» քաջ գիտակցում են, որ ֆուտբոլիստի ձեռքբերումը բավական թանկ կարժենա։ Մագուայերը կարող է դառնալ ֆուտբոլի պատմության ամենաթանկարժեք պաշտպանը։ Այդ կարգավիճակը ներկայումս պատկանում է Վիրջիլ վան Դեյկին, որը «Սաուհեմփթոնից» «Լիվերպուլ» է տեղափոխվել 75 մլն․ ֆունտի դիմաց։
Այս տեղափոխությունը կարող է կայանալ տրանսֆերային պատուհանի փակման վերջին օրը։ Եթե մանչեսթերյան ակումբը չկարողանա համաձայնության հասնել «Լեսթերի» հետ ֆուտբոլիստի տրանսֆերի շուրջ, ապա կգնի «Բարսելոնայի» պաշտպան Յերի Մինային կամ «Տոտենհեմից» Տոբի Ալդերվերելդին։