Մահացել է ֆուտբոլային հայտնի գործակալ Մինո Ռայոլան: Մահվան պատճառը ծանր հիվանդությունն է: 54-ամյա իտալացու մահվան մասին պաշտոնական հայտարարություն է տարածել գործակալի ընտանիքը նրա թվիթերյան էջում:
Անսահման վշտով հայտնում ենք երբևէ եղած ամենահոգատար ու զարմանալի ֆուտբոլային գործակալի մահվան լուրը:
Մինոն նույն ուժով պայքարեց մինչև վերջ, որը ցուցաբերում էր բանակցությունների սեղանին՝ իր ֆուտբոլիստներին պաշտպանելու համար: Ինչպես միշտ, Մինոն մեզ հպարտություն պարգևեց ու այդպես էլ դա չհասկացավ:
Մինոն իր աշխատանքով շոշափեց մեծ թվով կյանքեր ու նոր գլուխ գրեց ժամանակակից ֆուտբոլի պատմության մեջ: Նրա ներկայության կարիքը հավերժ կզգացվի: Մինոյի՝ ֆուտբոլը ֆուտբոլիստների համար ավելի լավ տեղ դարձնելու առաքելությունը կշարունակվի նույն ոգով:
Մենք շնորհակալություն ենք հայտնում բոլորին այս դժվարին ժամանակահատվածում ստացած ահռելի աջակցության համար ու խնդրում ենք հարգել ընտանիքի և ընկերների գաղտնիությունն այս վշտալի պահին:
Ռայոլայի ընտանիք
Հիշեցնենք, որ օրեր առաջ նման տեղեկություն էր հաղորդվել տարբեր լրատվականների կողմից, որը, սակայն, հերքել էր Ռայոլայի օգնականը՝ գրառում կատարելով գործակալի թվիթերյան էջում:
Մինո Ռայոլան Հենրիխ Մխիթարյանի և բազմաթիվ այլ ֆուտբոլային աստղերի գործակալն էր: