Անգլիական լրատվամիջոցները գրում են, որ «Լեսթերի» կիսապաշտպան Ռիհադ Մահրեզը բոյկոտ է հայտարարել ակումբին:
Ընդգծվում է, որ ալժիրցի ֆուտբոլիստը նման քայլի է գնացել, քանի որ ակումբի ղեկավարությունը թույլ չի տվել իրեն հեռանալ «Մանչեսթեր Սիթի»: 26-ամյա ֆուտբոլիստը տրանսֆերային պատուհանից մի քանի օր առաջ պաշտոնական հայտ է ներկայացրել ակումբին՝ խնդրելով չխոչընդոտել Մանչեսթեր տեղափոխությանը:
Սակայն «Աղվեսները» մերժել են «քաղաքաբնակների» առաջարկը՝ համարելով այն ոչ բավարար:
Իսկ «Ման Սիթիի» գլխավոր մարզիչ Պեպ Գվարդիոլան ակնարկել է, որ Մահրեզը կարող է տեղափոխվել իր ակումբ ամռանը: