NBA-ի Արևելյան կոնֆերենցիայի կիսաեզրափակիչ սերիայի 5-րդ խաղում «Մայամի Հիթը» հաղթել է «Ֆիլադելֆիա Սիքսերսին»: Հանդիպումն անցկացվել է Մայամիում և ավարտվել 120:85 հաշվով՝ հօգուտ տանտերերի։
«Մայամիի» կազմում լավագույնը Ջիմի Բաթլերն էր, որը վաստակեց 23 միավոր, հյուրերի կազմում 17 միավոր է վաստակել Ջոել Էմբիդը:
Շարքում հաշիվը դարձել է 3:2՝ հօգուտ «Մայամիի»։ Սերիայի 6-րդ հանդիպումը կկայանա «Սիքսերսի» խաղահրապարակում մայիսի 13-ին:
Արևմտյան կոնֆերենցիայի կիսաեզրափակիչ դիմակայության 5-րդ խաղում «Ֆինիքս Սանզը» հաղթել է «Դալաս Մավերիքսին»։ Հանդիպումն անցկացվել է Ֆինիքսում և ավարտվել 110:80 հաշվով՝ հօգուտ տանտերերի։
Դևին Բուքերը 28 միավոր է վաստակել «Ֆինիքսի» կազմում, «Դալասի» կազմում դաբլ-դաբլ է գրանցել սլովենացի Լուկա Դոնչիչը՝ 28 միավոր և 11 անդրադարձ:
Սերիայում հաշիվը դարձել է 3:2՝ հօգուտ «Ֆինիքսի»։ Դիմակայության 6-րդ հանդիպումը կկայանա Դալասում մայիսի 13-ին: