Հյուսիսային Մակեդոնիան ներկայացնող «Մակեդոնիայի» գլխավոր մարզիչ Ալեքսանդր Տանևսկին Եվրոպա լիգայի գավաթի խաղարկության որակավորման 1-ին փուլում Հայաստանի գավաթակիր «Ալաշկերտից» կրած պարտությունից հետո (1-3) հայտնել է իր տպավորությունների մասին:
«Ընդհանուր առմամբ, բավարարված եմ արդյունքից: Փորձի պակաս կար, որը խանգարեց ավելի լավ արդյունքի հասնելուն: Պատասխան խաղում կփորձենք շտկել մեր սխալները: Երկրորդ մրցավեճը ցույց կտա՝ ինչքանով ենք պատրաստ լավ խաղալ Եվրոպա լիգայում: Սա դիմակայության դեռ առաջին խաղակեսն էր:
«Ալաշկերտի» ցուցադրած խաղն ինձ չզարմացրեց, նա խաղաց իր ֆուտբոլը: Եթե մեր թիմն այդքան սխալներ թույլ չտար, ավելի լավ արդյունքի կհասնեինք:
Մեր թիմում կան երիտասարդ շատ ֆուտբոլիստներ, ովքեր առաջին անգամ էին խաղում եվրոպական ասպարեզում: Թիմը մինչ այս 10 տարի հանդես չէր եկել եվրագավաթներում: Սա լավ փորձամրցում էր մեզ համար:
Ցանկանում եմ շնորհավորել «Ալաշկերտին» հաղթանակի կապակցությամբ: Շնորհակալ ենք լավ ընդունելության համար»,- ասել է Տանևսկին:
Աբրահամ Խաշմանյանի մամուլի ասուլիսն «Ալաշկերտ» – «Մակեդոնիա» հանդիպումից հետո (տեսանյութ)