«Մակլարենի» բրիտանացի ավտոարշավորդ Լանդո Նորիսը միջադեպի մեջ է հայտնվել ԵՎՐՈ-2020-ի Իտալիա – Անգլիա եզրափակիչ խաղից հետո Լոնդոնի «Ուեմբլի» ստադիոնում։
Հանդիպման ավարտից հետո անհայտ անձինք ստադիոնի ավտոկայանատեղիում հարձակվել են Նորիսի վրա ու գողացել նրա ժամացույցը։ «Մակլարենը» այս կապակցությամբ հայտարարություն է տարածել ու աջակցել արշավորդին։
Հաղորդվում է, որ գործն այս պահին ոստիկանության քննության առարկա է դարձել։
Լանդո Նորիսը Ֆորմուլա 1-ի ընթացիկ մրցաշրջանում վաստակել է 102 միավոր՝ երկու անգամ կանգնելով պատվո հարթակի վրա։