«Միլանի» սպորտային տնօրեն Պաոլո Մալդինին կապ է հաստատել Մադրիդի «Ռեալի» եզրային հարձակվող Գարեթ Բեյլի գործակալի հետ՝ հասկանալու նրա ապագայի վերաբերյալ իրավիճակը։
Լրագրող Ռուդի Գալետիի խոսքով՝ վերջին օրերին Մալդինին հարցում է ուղարկել Բեյլի շրջապատին՝ հասկանալու ուելսցու ֆինանսական պահանջները և հաջորդ մրցաշրջանի վերաբերյալ նրա մտադրությունները:
32-ամյա ֆուտբոլիստի պայմանագիրը Մադրիդի «Ռեալի» հետ կավարտվի մրցաշրջանի ավարտից հետո, և կողմերի միջև հրապարակային տարաձայնություններից հետո այն երկարաձգելը գրեթե անհնար է։
Ավելի վաղ հաղորդվում էր, որ Բեյլը պատրաստ է կարճաժամկետ պայմանագիր կնքել «Քարդիֆ» ակումբի հետ, եթե Ուելսի հավաքականը դուրս գա աշխարհի առաջնության հիմնական փուլ։