«Ռեալ Սոսյեդադի» կիսապաշտպան Միկել Օյարսաբալը կարող է կարիերան շարունակել «Մանչեսթեր Սիթիում»: Այս մասին հաղորդում է AS պարբերականը:
Ըստ այդ լրատվամիջոցի՝ «քաղաքայիններն» արդեն տեղեկացրել են բասկյան ակումբին, որ կվճարեն 22-ամյա ֆուտբոլիստի՝ պայմանագրով նախատեսված հրաժարագինը, եթե իրենց հարձակողական ոճի կիսապաշտպան Լերոյ Սանեն տեղափոխվի «Բավարիա»:
Անձամբ Օյարսաբալն արդեն տվել է «Սիթի» տեղափոխվելու իր համաձայնությունը: Անգլիական ակումբը չի ցանկանում ժամանակ վատնել «Ռեալ Սոսյեդադի» հետ բանակցություններ վարելու վրա, ուստի կվճարի իսպանացու հրաժարագինը, որը կազմում է 75 մլն եվրո:
Օյարսաբալը «Ռեալ Սոսյեդադի» մանկապատանեկան դպրոցի սան է: Նա Սան Սեբաստիանը ներկայացնող ակումբի առաջին թիմում ելույթ է ունենում 2016 թվականից: Կիսապաշտպանը 2018/19թթ․ մրցաշրջանում ակումբային մակարդակով անցկացրել է 41 խաղ, խփել 14 գոլ ու կատարել 4 արդյունավետ փոխանցում: Նրա պայմանագիրը «Ռեալ Սոսյեդադի» հետ գործում է մինչև 2024 թվականի ամառ:
Գվարդիոլա. «Եթե Սանեն ցանկանում է՝ կարող է հեռանալ, բայց…»
