«Մանչեսթեր Սիթիի» կիսապաշտպան Ռիյադ Մահրեզը կարող է ամառային տրանսֆերային պատուհանի ժամանակ լքել ակումբը՝ հաղորդում է Give me Sport-ը։
Ըստ աղբյուրի՝ «քաղաքայինների» ղեկավարությունը պատրաստ է ալժիրցու տրանսֆերի հարցով առաջարկներ լսել։ Ավելի վաղ հայտնի էր դարձել, որ կիսապաշտպանը կարող է կարիերան շարունակել Ա Սերիայում։
«Մանչեսթեր Սիթիի» կիսապաշտպանի ծառայություններով հետաքրքրված է «Միլանը»։ Անգլիական ակումբը ֆուտբոլիստի տրանսֆերային իրավունքը գնահատում է մոտ 40 մլն եվրո։ Հաղորդվում է, որ «Միլանին» գործարքից վանում է միայն խաղացողի բարձր աշխատավարձը՝ տարեկան 6 մլն եվրո։
Մահրեզը ընթացիկ մրցաշրջանում «Մանչեսթեր Սիթիի» կազմում անցկացրած 43 խաղում դարձել է 23 գոլի ու 9 գոլային փոխանցման հեղինակ։