Անգլիական «Մանչեսթեր Յունայթեդի» ղեկավարությունն այնքան տպավորված է ակումբի գլխավոր մարզչի պարտականությունները կատարող Ռալֆ Ռանգնիկի աշխատանքից, որ մտադիր է քննարկել նրա հետ երկարաժամկետ պայմանագիր կնքելու հնարավորությունը։
The Sun-ը, հղում կատարելով իր աղբյուրներին, հայտնում է, որ շուտով գերմանացի մասնագետը կարող է ձերբազատվել ժամանակավոր պաշտոնակատարի կարգավիճակից։ Մրցաշրջանի ավարտին նա պետք է դառնար ակումբի խորհրդատուն, սակայն կարող է մնալ գլխավոր մարզչի պաշտոնին։
Լրատվամիջոցը հիշեցնում է, որ «Մանչեսթեր Յունայթեդի» ղեկին հավակնում են նաև ՊՍԺ-ն գլխավորող Մաուրիսիո Պոչետինոն, «Այաքսի» գլխավոր մարզիչ Էրիկ տեն Հագը և «Լեսթերի» նրա գործընկեր Բրենդան Ռոջերսը։
Ռանգնիկը փոխարինել է 2021 թվականի նոյեմբերին «Մանչեսթեր Յունայթեդի» գլխավոր մարզչի պաշտոնից հեռացված նորվեգացի Ուլե Գունար Սուլշերին։
