«Մանչեսթեր Յունայթեդի» գլխավոր մարզիչ Ռալֆ Ռանգնիկը հավանություն է տվել «Այաքսի» գլխավոր մարզիչ Էրիկ տեն Հագի՝ անգլիական ակումբի գլխավոր մարզչի պաշտոնում հնարավոր նշանակմանը՝ հայտնում է լրագրող Ֆաբրիցիո Ռոմանոն։
Աղբյուրի համաձայն՝ «Մանչեսթեր Յունայթեդի» ներկայիս մարզիչը չի մասնակցում Տեն Հագի հետ բանակցություններին:
Նշվում է, որ ապագա նախագծի մանրամասները անգլիական ակումբը քննարկում է միայն անձամբ «Այաքսի» ներկայիս գլխավոր մարզչի հետ։
Ավելի վաղ հաղորդվում էր, որ Տեն Հագն այս մրցաշրջանի ավարտից հետո կգլխավորի «Մանչեսթեր Յունայթեդը»:
Ռանգնիկը մրցաշրջանի ավարտից հետո անգլիական գրանդում այլ պաշտոնի կնշանակվի: