«Մանչեսթեր Սիթին» հետաքրքրված է «Ինտերի» հարձակվող Ռոմելու Լուկակուի ծառայություններով՝ հաղորդում է Նիկոլո Սկիրան իր թվիթերյան էջում:
Չնայած դրան՝ «Ինտերը» չի պատրաստվում հրաժարվել բելգիացու ծառայություններից, Լուկակուն իր հերթին ցանկանում է շարունակել աշխատանքն Անտոնիո Կոնտեի գլխավորությամբ:
Սկիրան միաժամանակ նշում է, որ չնայած այն տեղեկություններին, թե Լուկակուն կարող է վերադառնալ Անգլիա ու հանդես գալ «Չելսիում», ֆուտբոլիստը բանակցություններ չի վարել լոնդոնյան ակումբի հետ:
Ա Սերիայի ընթացիկ մրցաշրջանում Լուկակուն անցկացրած 33 խաղում դարձել է 21 գոլի և 10 գոլային փոխանցման հեղինակ:
