տուր
01 Հունվար 1970 - 13:06
«Մանչեսթեր Սիթին» հույսը կորցրել է «Բարսելոնայի» հարձակվող Լիոնել Մեսիին ձեռք բերելու հարցում: Արգանտինացու պայմանագրի ժամկետն ավարտվելու է ամռանը, սակայն «քաղաքաբնակները» շանս չունեն նրան ձեռք բերել, հայտնում է արգենտինացի լրագրող Վերոնիկա Բրունատին:
Լրագրողն իր թվիթերյան էջում գրում է, որ անգլիական ակումբը փոխարինող է փնտրում հեռացող Սերխիո Ագուերոյին և դիտարկում երեք տարբերակ:
Ամենացանկալի տրանսֆերը Դորտմունդի «Բորուսիայի» հարձակվող Էրլինգ Հալանդն է: Եթե նորվեգացուն չհաջողվի ստորագրել, անգլիական ակումբը հրավիրելու է «Տոտենհեմի» ռմբարկու Հարի Քեյնին կամ «Ինտերի» առաջատար Ռոմելու Լուկակուին:
Ավելի վաղ տեղեկություն էր տարածվել, որ «Մանչեսթեր Սիթին» պատարստ է Մեսիին 2 տարվա պայմանագիր առաջարկել, որի ավարտից հետո նա կարող է 2 տարով տեղափոխվել «Սիթի Գրուպին» պատկանող «Նյու Նորք Սիթի»: